25 വര്‍ഷത്തെ പ്രവര്‍ത്തനമികവോടെ ഐ പി സി ഡല്‍ഹി സ്റ്റേറ്റ് സില്‍വര്‍ ജൂബിലിയുടെ നിറവിലേക്ക്
1993 ല്‍ രൂപീകൃതമായ ഐ പി സി ഡല്‍ഹി സ്റ്റേറ്റ്, അതിന്റെ പ്രവര്‍ത്തനങ്ങളില്‍ ഇന്നയോളം നടത്തിയ ദൈവത്തിന് നന്ദി കരേറ്റുന്നതിനായി ഡിസംബര്‍ മാസം 6,7,8 തിയതികളില്‍,
സുവിശേഷ രണാങ്കണത്തിലെ കഴിഞ്ഞ 25 വര്‍ഷത്തെ പ്രവര്‍ത്തനമികവോടെ ഐ പി സി ഡല്‍ഹി സ്റ്റേറ്റ് സില്‍വര്‍ ജൂബിലിയുടെ നിറവിലേക്ക്. 1993 ല്‍ രൂപീകൃതമായ ഐ പി സി ഡല്‍ഹി സ്റ്റേറ്റ്, അതിന്റെ പ്രവര്‍ത്തനങ്ങളില്‍ ഇന്നയോളം നടത്തിയ ദൈവത്തിന് നന്ദി കരേറ്റുന്നതിനായി ഡിസംബര്‍ മാസം 6,7,8 തിയതികളില്‍, സില്‍വര്‍ ജൂബിലി സമ്മേളനവും സുവിശേഷ മഹായോഗങ്ങളും ഡല്‍ഹി തല്‍കട്ടോരാ സ്റ്റേഡിയത്തില്‍ വെച്ച് നടക്കും. ഐ. പി. സി ഡല്‍ഹി സ്റ്റേറ്റ് പ്രസിഡന്റ് പാ. സാമുവേല്‍ എം തോമസ് ഉത്ഘാടനം ചെയ്യുന്ന സമ്മേളനത്തില്‍ പാസ്റ്റര്‍ സാം ജോര്‍ജ്ജ് (ഐ.പി.സി ജനറല്‍ സെക്രട്ടറി) മുഖ്യ അതിഥി ആയിരിക്കും. ഐ.പി.സി ജനറല്‍ വൈസ് പ്രസിഡന്റ് പാസ്റ്റര്‍ വില്‍സണ്‍ ജോസഫ് പ്രത്യേക ക്ഷണിതാവായി ഈ മീറ്റിംഗുകളില്‍ വചന ശുശ്രൂഷ നടത്തുന്നതായിരിക്കും.
പാ. എം ജെ ഡൊമിനിക് (അബുദാബി), പാ. കെ. പി ജോസ് വേങ്ങൂര്‍ (കേരള) പാ. ജോണ്‍ തോമസ്, എന്നീ അനുഗ്രഹീതരായ ദൈവദാസന്മാരും പ്രസ്തുത മീറ്റിംഗുകളില്‍ വചനശുശ്രൂഷ നിര്‍വ്വഹിക്കും. തുടര്‍മാനമായി നടക്കുന്ന യോഗങ്ങളില്‍ പി വൈ പി എ, സണ്‍ഡേ സ്‌കൂള്‍, സഹോദരീസമാജം എന്നീ പുത്രികാസംഘടനകളുടെ പ്രത്യേക മീറ്റിംഗുകളും ഉണ്ടായിരിക്കുന്നതാണ്. സുപ്രസിദ്ധ അനുഗ്രഹീത ക്രൈസ്തവ ഗായകന്‍ ഇമ്മാനുവേല്‍ ഹെന്‍ട്രിയോടൊപ്പം ഐ പി സി ഡല്‍ഹി സ്റ്റേറ്റ് ക്വയര്‍ ഈ മീറ്റിംഗുകളില്‍ ഗാനശുശ്രൂഷകള്‍ നിര്‍വ്വഹിക്കുന്നത് ഈ വര്‍ഷത്തെ സമ്മേളനങ്ങളുടെ മാറ്റുകൂട്ടും. കഴിഞ്ഞ 25 വര്‍ഷം ഐ പി സി ഡല്‍ഹി സ്റ്റേറ്റിന്റെ പ്രവര്‍ത്തനങ്ങളില്‍ തുടര്‍മാനമായി പങ്കാളികളായ ശുശ്രൂഷകന്മാരെയും വിശ്വാസികളേയും തദ്ദവസരത്തില്‍ പ്രത്യേകം ആദരിക്കുന്നതായി പ്രത്യേക പരിപാടികള്‍ തയ്യാറാക്കി വരുന്നു. ഐ പി സി ഡല്‍ഹി സ്റ്റേറ്റിലെ വിവിധ ഡിസ്ട്രിക്റ്റിലുളള ദൈവദാസന്മാരും വിശ്വാസികളും ഉള്‍പ്പെടുന്ന വലിയോരു ജനാവലി പ്രസ്തുത യോഗങ്ങളില്‍ ആദിയോടന്തം സംബന്ധിക്കുന്നതിനോടൊപ്പംതന്നെ 8 ാം തിയതി രാവിലെ നടക്കുന്ന സംയുക്തആരാധനയിലും പാ. കെ ജോയിയുടെ (പേട്രണ്‍, ഐ. പി. സി ഡല്‍ഹി സ്റ്റേറ്റ്) നേതൃത്വത്തില്‍ നടക്കുന്ന തിരുവത്താഴ ശുശ്രൂഷയിലും ആയിരങ്ങളുടെ സാന്നിദ്ധ്യം ശ്രദ്ധേയമായിരിക്കും. 8-ാം തിയതി വൈകുന്നേരം 5 മണി മുതല്‍ സില്‍വര്‍ ജൂബിലി താങ്ക്‌സ് ഗിവിംഗ് സെറിമണിയില്‍ വിശിഷ്ട അതിഥികളോടൊപ്പം ഡല്‍ഹിയിലെ ഇതരപ്രമുഖരും പങ്കെടുക്കുന്നതായിരിക്കും. ഐ പി സി ഡല്‍ഹി സ്റ്റേറ്റിന്റെ നാളിതു വരെയുളള പ്രവര്‍ത്തനങ്ങളെക്കുറിക്കുന്ന സില്‍വര്‍ ജൂബിലി സുവനീറും അന്നേ ദിവസം പ്രസിദ്ധീകരിക്കുന്നതായി പബ്ലിക്കേഷന്‍ ബോര്‍ഡിന്റെ നേതൃത്വത്തില്‍ പ്രവര്‍ത്തനങ്ങള്‍ മുന്നേറുന്നു. കണ്‍വെന്‍ഷന്‍ വേദിക്കരികില്‍ 24 മണിക്കൂറും സജ്ജമായ പ്രാര്‍ത്ഥനാമുറിയും അന്നേ ദിവസങ്ങളില്‍ ഉണ്ടായിരിക്കുന്നതാണ്. ഈ മഹാസമ്മേളനത്തിന്റെ അനുഗ്രഹത്തിനായി പ്രയര്‍ബോര്‍ഡിന്റെ നേതൃത്വത്തില്‍ നവംബര്‍ മാസം 29-ാം തിയതി മുഴുരാത്രി പ്രാര്‍ത്ഥന ഐ.പി.സി ഗ്രീന്‍ പാര്‍ക്കില്‍ വെച്ച് നടക്കുന്നതാണ്. ഈ മഹാസമ്മേളനത്തിന്റെ വിജയത്തിനും അനുഗ്രഹത്തിനുമായി ഐ.പി.സി ഡല്‍ഹി സ്റ്റേറ്റ് എക്‌സിക്യൂട്ടീവിന്റെ നേതൃത്വത്തില്‍ വിവിധ കമ്മറ്റികള്‍ രൂപം ചെയ്തു പ്രവര്‍ത്തിച്ചുവരുന്നു.
