ഐപിസി കർണാടക സ്റ്റേറ്റ് കൺവെൻഷൻ ജനുവരി 9 മുതൽ ബാംഗ്ലൂരിൽ
IPC Karnataka State Convention at Bengaluru
ഇന്ത്യാ പെന്തെക്കൊസ്ത് ദൈവസഭ (IPC ) കർണാടക സ്റ്റേറ്റ് 38-ാമത് വാർഷിക കൺവൻഷൻ ഇന്നു മുതൽ 12 ഞായർ വരെ കൊത്തന്നൂർ എബനേസർ ക്യാംപസ് ഗ്രൗണ്ടിൽ നടക്കും. വൈകിട്ട് 6ന് സ്റ്റേറ്റ് പ്രസിഡൻറ് പാസ്റ്റർ കെ.എസ്.ജോസഫ് കൺവൻഷൻ ഉദ്ഘാടനം ചെയ്യും.
ദിവസവും വൈകിട്ട് 6 മുതൽ നടക്കുന്ന കൺവൻഷനിൽ പാസ്റ്റർമാരായ കെ എസ് ജോസഫ് , ജോസ് മാത്യു, പാസ്റ്റർ.ഡോ.വർഗീസ് ഫിലിപ്പ്, സാം ജോർജ് ,വിൽസൺ ജോസഫ്, റ്റി.ഡി.തോമസ് , ദാനീയേൽ കൊന്നനിൽക്കുന്നതിൽ, ഷിബു തോമസ്, ഡോ.ജോൺ കെ.മാത്യൂ, ഡോ. അലക്സ് ജോൺ, ഇ.ഡി. ചെല്ലാ ദുരൈ, രാജു ഗരു എന്നിവർ വിവിധ ദിവസങ്ങളിൽ പ്രസംഗിക്കും.
ബ്രദർ ജിൻസൺ ഡി.തോമസിൻ്റെ നേതൃത്വത്തിൽ പിവൈപിഎ കൺവൻഷൻ ക്വയർ ഗാനശുശ്രൂഷ നിർവഹിക്കും. കൺവൻഷനിൽ ദിവസവും വൈകിട്ട് 6.30 മുതൽ ഗാനശുശ്രൂഷ ,സുവിശേഷ പ്രസംഗം എന്നിവ നടക്കും. ജനുവരി 9 രാവിലെ 10.30 ന് ശുശ്രൂഷക സമ്മേളനം , വെള്ളി ,ശനി ദിവസങ്ങളിൽ രാവിലെ 8 മുതൽ 9.30 വരെ ബൈബിൾ ക്ലാസ്, വെള്ളിയാഴ്ച ഉച്ചയ്ക്ക് 2 മുതൽ സോദരി സമാജം സമ്മേളനം പ്രസിഡൻറ് സിസ്റ്റർ ലില്ലിക്കുട്ടി വർഗീസിൻ്റെ നേതൃത്യത്തിൽ നടക്കും. സിസ്റ്റർ രേഷ്മ തോമസ് മുഖ്യാതിഥി ആയിരിക്കും.
കഴിഞ്ഞ അഞ്ച് പതിറ്റാണ്ട് സുവിശേഷ വേലയിലായിരുന്ന ശുശ്രൂഷകരുടെ ഭാര്യമാരെ സോദരി സമാജം സമ്മേളനത്തിൽ പ്രവർത്തകർ ആദരിക്കും. ശനിയാഴ്ച ഉച്ചയ്ക്ക് 2.30 മുതൽ പി.വൈ.പി.എ , സൺഡേസ്ക്കൂൾ വാർഷിക സമ്മേളനവും നടക്കും. സമാപന ദിവസമായ 12 ഞായർ രാവിലെ 8.30 ന് കർണാടകയുടെ ഇതരഭാഗങ്ങളിൽ നിന്നുള്ള ശുശ്രൂഷകരും വിശ്വാസികളും പങ്കെടുക്കുന്ന കൺവെൻഷൻ തിരുവത്താഴ ശുശ്രൂഷയോടും സംയുക്ത ആരാധനയോടെയും സമാപിക്കും.
കൺവെൻഷൻ ജനറൽ കൺവീനറായി സ്റ്റേറ്റ് സെക്രട്ടറി പാസ്റ്റർ ഡോ. വർഗീസ് ഫിലിപ്പ് , ജോയിന്റ് കൺവീനർമാരായി പാസ്റ്റർ സി.പി. സാമുവേൽ , ബ്രദർ സജി.ടി. പാറേൽ എന്നിവരും വിവിധ ഉപസമതികളും പ്രവർത്തിക്കുന്നു. പ്രയർ കൺവീനർ പാസ്റ്റർ തോമസ് കോശി, പബ്ലിസിറ്റി കൺവീനർ പാസ്റ്റർ വിൽസൺ തോമസ്, മീഡിയ കൺവീനർ പാസ്റ്റർ ജോർജ് ഏബ്രഹാം , ഫിനാൻസ് കൺവീനർ ബ്രദർ പി ഒ സാമൂവേൽ എന്നിവരെയും പാസ്റ്റർമാരായ എ. വൈ. ബാബു, കെ പി ജോർജ്, ജോർജ് തോമസ്, സാബു ജോൺ, ജേക്കബ് ഫിലിപ്പ്, ബ്രദർ ജോസ് വർഗീസ്, ബ്രദർ സി.റ്റി.ജോസഫ്, ബ്രദർ ബിജു പാറയിൽ, ബ്രദർ ബ്ലൂസൺ എന്നിവർ വിവിധ ഉപസമിതികളുടെ കൺവീനർമാരായും പ്രവർത്തിക്കുന്നു.
പാസ്റ്റർ കെ.എസ്.ജോസഫിൻ്റെ നേതൃത്വത്തിൻ കീഴിൽ പ്രവർത്തിക്കുന്ന കർണാടക സ്റ്റേറ്റ് പ്രവർത്തകർ ഇക്കുറി കൂടുതൽ ആളുകളെ ഉൾക്കൊള്ളിക്കുന്നതിനാണ് 3 ഏക്കർ വിസ്തൃതിയുള്ള കൊത്തന്നൂർ എബനേസർ ക്യാംപസ് ഗ്രൗണ്ടിൽ കൺവെൻഷൻ നടത്തുന്നത്. കർണാടക സ്റ്റേറ്റ് ഐപിസിയുടെ കീഴിൽ കർണാടകയുടെ 31 ജില്ലകളിലായി 24 സെൻ്റർ സഭകളും 22 ഏരിയാ സഭകളും 925 ശുശ്രൂഷകരും പ്രവർത്തിക്കുന്നു.
