കർണാടക മതപരിവർത്തന വിരുദ്ധ ബില്ലിൽ 10 വർഷം വരെ തടവ് ശിക്ഷക്ക് നിർദേശം

കർണാടകയിൽ നിർബന്ധിത മതപരിവർത്തനത്തിന് പ്രേരിപ്പിക്കുന്നവർക്ക് 3 മുതൽ 10 വർഷം വരെ ജയിൽ ശിക്ഷ അടക്കം നിർദിഷ്ട നിയമത്തിൻ്റെ കരടുബില്ലിൽ കടുത്ത വ്യവസ്ഥകൾ. ബലപ്രയോഗത്തിന്റെയോ നിർബന്ധത്തിന്റെയോ അടിസ്ഥാനത്തിൽ മതപരിവർത്തനത്തിന് സൗകര്യമൊരുക്കിയ വ്യക്തിക്ക് “തെളിവിന്റെ അടിസ്ഥാനത്തിൽ നഷ്ടപരിഹാരം” ചുമത്തുമെന്ന് കരടിൽ നിർദേശിക്കുന്നു.

കർണാടക പ്രൊട്ടക്ഷൻ ഓഫ് റൈറ്റ് ടു റൈറ്റ് ടു റിലീജിയൻ ബില്ലിന്റെ കരട് ഡിഎച്ച് ആക്‌സസ് ചെയ്‌തു, ഇത് ഇതുവരെ അന്തിമമായിട്ടില്ലെന്ന് ഔദ്യോഗിക വൃത്തങ്ങൾ പറയുന്നു.

തെറ്റിദ്ധരിപ്പിച്ചോ, ബലപ്രയോഗിച്ചോ, വഞ്ചനയിലൂടെയൊ, ആനുകൂല്യങ്ങൾ നൽകിയോ , വശീകരണം അല്ലെങ്കിൽ വിവാഹത്തിനു വേണ്ടിയാ ഒരു മതത്തിൽ നിന്ന് മറ്റൊരു മതത്തിലേക്ക് പരിവർത്തനം ചെയ്യുന്നത്” തടയുക എന്നതാണ് മത വിശ്വാസ സ്വാതന്ത്ര്യ സംരക്ഷണാവകശ ബിൽ ലക്ഷ്യമിടുന്നത്. നിർദ്ദിഷ്ട ബില്ലിന് കീഴിൽ രജിസ്റ്റർ ചെയ്ത കുറ്റകൃത്യങ്ങൾ തിരിച്ചറിയാവുന്നതും ജാമ്യം ലഭിക്കാത്തതുമാണ്. തടവ് 3 മുതൽ 5 വർഷം വരെയും ഏകദേശം 25,000 രൂപ പിഴയുമാണ് ശിക്ഷ. പ്രായപൂർത്തിയാകാത്തവരെയോ സ്ത്രീയെയോ പട്ടികജാതി അല്ലെങ്കിൽ പട്ടികവർഗത്തിൽപ്പെട്ട വ്യക്തിയെയോ ഉൾപ്പെടുത്തിയുള്ള മതപരിവർത്തനത്തിന് 50,000 രൂപ പിഴയോടെ 10 വർഷം വരെ തടവ് ശിക്ഷ ലഭിക്കും.

കർണാടകത്തിൽ ബി.ജെ.പി. സർക്കാർ നടപ്പാക്കാൻ ശ്രമിക്കുന്ന മതപരിവർത്തന നിരോധന നിയമത്തെ എതിർക്കുമെന്ന് കോൺഗ്രസിനൊടൊപ്പം ജെ.ഡി.എസും വ്യക്തമാക്കി.

നിയമത്തിന്റെ കരട് നിയമസഭയിൽ അവതരിപ്പിച്ചാൽ പാർട്ടി എതിർക്കുമെന്ന് ജെ.ഡി.എസ്. നേതാവും മുൻ മുഖ്യമന്ത്രിയുമായ എച്ച്.ഡി. കുമാരസ്വാമി പറഞ്ഞു. പാർട്ടി എം.എൽ.എ. മാർക്കും എം.എൽ.സി. മാർക്കും ഇതിന് നിർദ്ദേശം നൽകിയെന്നും അദ്ദേഹം അറിയിച്ചു. ആവശ്യമില്ലാത്ത നിയമമാണിത്. ജനങ്ങളെ ബാധിക്കുന്ന മറ്റു വിഷയങ്ങളിലാണ് സർക്കാർ ശ്രദ്ധയൂന്നേണ്ടതെന്നും കുമാരസ്വാമി പറഞ്ഞു.

ക്രൈസ്തവ സഭകളിൽനിന്ന് വലിയി രീതിയിലുള്ള പ്രതിഷേധമുയർന്നതിനെത്തുടർന്ന് നിയമത്തെ കോൺഗ്രസ് എതിർക്കുമെന്ന് നേരത്തേ അറിയിച്ചിരുന്നു. അതിനു പിറകെയാണ് ജെ.ഡി.എസും ( ദൾ ) എതിർക്കുമെന്ന പ്രഖ്യാപനം വരുന്നത്.