മതപരിവർത്തന ആരോപണങ്ങളെ തുടർന്ന് ഗുജറാത്തിലെ ദെദിയാപദയിൽ  നടത്താനിരുന്ന ക്രിസ്ത്യൻ സമ്മേളനം ഉപേക്ഷിച്ചു 

ഫെബ്രുവരി 11 ന് നർമ്മദ ജില്ലയിലെ ദെദിയാപദയിലെ ആദിവാസി താലൂക്കിലെ സങ്കൽ ഗ്രാമത്തിൽ നടക്കാനിരുന്ന ഒരു ക്രിസ്ത്യൻ കമ്മ്യൂണിറ്റി പരിപാടി "മത പരിവർത്തനം" ആരോപിച്ച് വലതുപക്ഷ സംഘടനകൾ  പരാതി നൽകിയതിനെ തുടർന്ന്  പരിപാടി സംഘടിപ്പിക്കുന്നതിൽ നിന്നും സംഘാടകർ പിന്മാറി . എന്നാൽ, മതപരിവർത്തന  ആരോപണം സംഘാടകർ  നിഷേധിച്ചു.

ദെദിയാപദ പോലീസ് അന്വേഷണം ആരംഭിക്കുകയും സംഘാടകരെ വിളിച്ചുവരുത്തി മൊഴി രേഖപ്പെടുത്തുകയും ചെയ്തതിനെ തുടർന്ന് ‘ആത്മിക് ജാഗ്രതി സഭ’ എന്ന പരിപാടി നിർത്തിവച്ചു. "മതപരിവർത്തനം" ആരോപിച്ച് നർമ്മദ ജില്ലയിലെ വിശ്വഹിന്ദു പരിഷത്ത്, ബജ്‌റംഗ്ദൾ, രാഷ്ട്രീയ ആദിവാസി മഞ്ച് എന്നിവയുടെ മെമ്മോറാണ്ടം നർമ്മദ ജില്ലാ ഭരണകൂടം പോലീസ് സൂപ്രണ്ടിന് അയച്ചതിന് പിന്നാലെയാണ് പോലീസ് നടപടി.

ഒരു പ്രാദേശിക പള്ളിയുടെ പരിസരത്ത് ആദ്യമായി ദെദിയാപദയിൽ നടത്താനിരുന്ന പരിപാടിക്ക് മുന്നോടിയായി പ്രദേശവാസികളുടെ പ്രതിഷേധത്തിനും പ്രദേശം സാക്ഷ്യം വഹിച്ചു.

അതേസമയം, ഇതൊരു ആത്മീയ സമ്മേളനം മാത്രമാണെന്ന് പ്രാദേശിക ക്രിസ്ത്യൻ സംഘടനയായ സമസ്ത് ക്രിസ്റ്റി സമാജ് അംഗം അമർസിൻഹ് വാസവ പറഞ്ഞു. “പ്രതിഷേധത്തെ തുടർന്ന് പരിപാടി നിർത്തിവച്ചു. അത് മതപരിവർത്തനത്തിനുള്ള വേദിയായിരുന്നു എന്നത് ശരിയല്ല; അത് ഒരു ആത്മീയ സംഗമം മാത്രമായിരുന്നു.   ഇന്നത്തെ കാലത്ത്, ആളുകൾ വളെരെയധികം  ബോധവാന്മാരാണ്, മറ്റൊരു വിശ്വാസത്തിലേക്ക് ഒരാളെ വശീകരിക്കുന്നത് എളുപ്പമല്ല, ആരോപണങ്ങൾ അടിസ്ഥാനരഹിതമാണ്. കമ്മ്യൂണിറ്റി അംഗങ്ങൾ മാത്രമേ പ്രാർത്ഥനയിലും പ്രഭാഷണങ്ങളിലും ഒത്തുകൂടേണ്ടതായിരുന്നു, ”ദെദിയാപദ നിവാസികൾ പറഞ്ഞു.

  “ആത്മീയ സമ്മേളനത്തിൻ്റെ പേരിൽ, ക്രിസ്ത്യൻ സമൂഹം ആദിവാസികളെ ക്രിസ്ത്യൻ മതവിശ്വാസത്തിലേക്ക് പരിവർത്തനം ചെയ്യുന്ന ഒരു പരിപാടി സംഘടിപ്പിച്ചു. ഈ പരിപാടി നടത്താൻ അനുവദിച്ചാൽ അത് മതത്തിനും സമൂഹത്തിനും ആപത്താണ്. രേഖകളിലും  ഗുജറാത്ത് മതസ്വാതന്ത്ര്യ (ഭേദഗതി) ബില്ലു  2021 പ്രകാരം ഈ ഗ്രാമത്തിൽ (സങ്കൽ) ഒരൊറ്റ ക്രിസ്ത്യാനി പോലും ഇല്ലെങ്കിലും, ക്രിസ്ത്യൻ സമൂഹം ഗ്രാമത്തിൽ ഒരു 'കച്ച' പള്ളി നിർമ്മിച്ചിട്ടുണ്ട്. ക്രിസ്ത്യാനികൾ ഗോത്ര ആചാരങ്ങളിൽ ഇടപെടുകയും ഗോത്ര ദൈവങ്ങളോടും ദേവതകളോടും ഗോത്ര സംസ്കാരത്തോടുമുള്ള ഭക്തി ഉപേക്ഷിക്കാൻ അവരെ സ്വാധീനിക്കുകയും ചെയ്യുന്നു. അതിനാൽ, പ്രദേശത്ത് മതപരിവർത്തനം നടത്താൻ ഉദ്ദേശിച്ചുള്ള ഈ പരിപാടിക്ക് അനുമതി നൽകരുത് എന്ന്  നർമ്മദയിലെ രാഷ്ട്രീയ ആദിവാസി മഞ്ച് ജില്ലാ കളക്ടർക്ക് നൽകിയ പരാതിയിൽ പറയുന്നു 

പരാതി  പോലീസ് വകുപ്പിന് കൈമാറിയതായി ജില്ലാ വികസന ഓഫീസർ അങ്കിത് പന്നു പറഞ്ഞു.

“ഞങ്ങൾക്ക് നിവേദനങ്ങൾ ലഭിച്ചു, ദെദിയാപദയിലെ പ്രാദേശിക പോലീസ് സ്റ്റേഷൻ വിഷയം പരിശോധിച്ചു; മൊഴി രേഖപ്പെടുത്താൻ സംഘാടകരെ വ്യാഴാഴ്ച വിളിപ്പിച്ചിരുന്നു. ഇതാദ്യമായാണ് ഇത്തരമൊരു പരിപാടി ഇവിടെ സംഘടിപ്പിക്കുന്നതെന്ന് അവർ ഞങ്ങളോട് പറഞ്ഞു. വിഎച്ച്‌പി, ബജ്‌റംഗ് ദൾ, ഗോത്രവർഗ സംഘടനകൾ എന്നിവയ്ക്ക് പുറമെ പ്രദേശവാസികൾ പോലും പരിപാടിക്കെതിരെ പ്രതിഷേധം രേഖപ്പെടുത്തിയിട്ടുണ്ട്. അതിനാൽ പരിപാടി നിർത്തിവെക്കുകയാണെന്ന് സംഘാടകർ അറിയിച്ചതായി നർമദ എസ്പി പ്രശാന്ത് സുംബേ പറഞ്ഞു.

ദേദിയാപാഡയിൽ ഇത്തരമൊരു പരിപാടി ആസൂത്രണം ചെയ്‌തിരിക്കുന്ന ആദ്യ സംഭവമാണെങ്കിലും, വർഷങ്ങളായി തപി ജില്ലയിലെ ഝരാലി ഗ്രാമത്തിൽ വർഷങ്ങളായി തങ്ങൾ ഗോത്ര മേളകൾ സംഘടിപ്പിക്കുന്നുണ്ടെന്ന് ക്രിസ്ത്യൻ മത സ്ഥാപനങ്ങൾ അവകാശപ്പെട്ടു. “കഴിഞ്ഞ 20 വർഷമായി, ക്രിസ്ത്യാനികൾ മാത്രമല്ല, ഹിന്ദുക്കളും പങ്കെടുക്കുന്ന മേള ക്രിസ്ത്യൻ സമൂഹം സംഘടിപ്പിക്കുന്നുണ്ട്,” സംഘാടകരിലൊരാളായ ഹരേഷ് ഗാമിറ്റ് പറഞ്ഞു.

ഈ വർഷവും, ജില്ലയിലെ അഖിൽ ഭാരതീയ സന്ത് സമിതിയുടെ ചെറുത്തുനിൽപ്പ് വകവയ്ക്കാതെ, ഫെബ്രുവരി 4 ന് താപിയിലെ സോംഗധ് താലൂക്കിൽ വർദ്ധിപ്പിച്ച പോലീസ് സുരക്ഷയ്ക്കിടയിൽ ക്രിസ്ത്യൻ സമൂഹത്തിൻ്റെ സമാനമായ ഒരു സമ്മേളനം സമാധാനപരമായി നടന്നു. സമ്മേളനത്തെ എതിർത്ത സംഘം സംഘാടകർക്ക് നൽകിയ അനുമതി ജില്ലാ ഭരണകൂടം റദ്ദാക്കണമെന്ന് ആവശ്യപ്പെട്ടു.

എതിർപ്പുകൾക്കിടയിലും ഞായറാഴ്ച മേള സമാധാനപരമായാണ് നടന്നത്. വിവിധ ഗ്രാമങ്ങളിൽ നിന്നുള്ള 50,000-ത്തിലധികം ആളുകൾ ഉത്സവത്തിൽ പങ്കെടുത്തു, ”ഗാമിത് കൂട്ടിച്ചേർത്തു.