കോവിഡ് നിയന്ത്രണം ലംഘിച്ചതിന് കാലിഫോർണിയയിൽ ഒരു സഭയ്ക്ക് കോടതി കനത്ത പിഴ വിധിച്ചു

COVID-19 പാൻഡെമിക് മൂലം ഇൻഡോർ സമ്മേളനങ്ങളുടെ പരിധി മറികടക്കുന്നതിൽ നിന്ന് ഏർപ്പെടുത്തിയ വിലക്ക് ലംഘിച്ചതിന് കാലിഫോർണിയയിലെ ഒരു ജഡ്ജി ബുധനാഴ്ച സാൻഹൊസെയിലെ ചർച്ചിനെയും അതിന്റെ പാസ്റ്റർ മൈക്ക് മക്ലൂറിനെയും ശാസിക്കുകയും 350,000 ഡോളർ പിഴ ചുമത്തുകയും ചെയ്തു.

അക്കാലത്തെ നിയന്ത്രണങ്ങൾ‌ പ്രകാരം, സഭയുടെ ഹാജർ‌ 25 ശതമാനം ശേഷി അല്ലെങ്കിൽ‌ 100 വ്യക്തികൾ‌, ഏതാണോ കുറവ് എന്നതായിരുന്നു. പങ്കെടുക്കുന്നവർ മാസ്‌കുകളും സാമൂഹിക അകലവും ധരിക്കേണ്ടതുണ്ട്. നിലവിലെ നിയന്ത്രണങ്ങളിൽ, ഔട്ട്‌ഡോർ സേവനങ്ങൾ മാത്രമേ അനുവദിക്കൂ.“ഇവിടുത്തെ ശുശ്രൂകളിൽ ജനം തിങ്ങിനിറഞ്ഞതായി കൗണ്ടിക്ക് തോന്നിക്കാണാം. പക്ഷേ അങ്ങനെയായിരുന്നില്ല”; ചർച്ച് അറ്റോർണി മരിയ ഗോണ്ടീറോ പറഞ്ഞു. “അവിടെ 1,900 പേരെ ഉൾക്കൊള്ളാൻ കഴിയും, 600 ആളുകൾ പങ്കെടുത്തിരുന്നു – 600 ആളുകൾക്ക് പങ്കെടുക്കാനും മതിയായ അകലം പാലിക്കാനും ധാരാളം ഇടമുണ്ട്.”

ശൂശ്രൂഷകൾ നടത്തുന്നത് സഭ അവസാനിപ്പിക്കില്ലെന്ന് പാസ്റ്റർ മക്ക്ലൂർ ബുധനാഴ്ച സൂചിപ്പിച്ചു. “നിങ്ങൾ ഒന്നുകിൽ ദൈവത്തെ അനുഗമിക്കണം അല്ലെങ്കിൽ മനുഷ്യനെ പിന്തുടരേണ്ടതുണ്ട്. ദൈവവചനം പറയുന്നത് പിന്തുടരാനാണ് എനിക്കിഷ്ടം,”മക്ക്ലൂർ പറഞ്ഞു. നിയന്ത്രണങ്ങൾ സമൂഹത്തെ ദോഷകരമായി ബാധിക്കുന്നുവെന്ന് ഒരു പ്രസംഗത്തിൽ മക്ക്ലൂർ പറഞ്ഞു.

“ഞങ്ങൾ ആളുകളെ കൊല്ലാൻ ശ്രമിക്കുകയാണെന്ന് ആരോപിക്കുന്ന ആളുകളുണ്ട് – ഞങ്ങൾ അങ്ങനെയുള്ളവരെ ശ്രദ്ധിക്കുന്നില്ല; പക്ഷേ… അതൊന്നും സത്യത്തിന് നിരക്കുന്നതല്ല,” അദ്ദേഹം പറഞ്ഞു. “അമേരിക്കയുടെ ചരിത്രത്തിലുടനീളം സഭയാണ് ആശുപത്രികൾ ആരംഭിച്ചത്. സഭ എല്ലാക്കാര്യങ്ങളിലും കരുതൽ നൽകുന്നുണ്ട്. എനിക്ക് നിയമം ലംഘിക്കാൻ ആഗ്രഹമില്ല, പക്ഷേ … സുവിശേഷം പ്രസംഗിക്കാനാണ് എന്നെ വിളിച്ചിരിക്കുന്നത്.