വിദ്യാർത്ഥിനി ആത്മഹത്യ ചെയ്ത സംഭവത്തിൽ കത്തോലിക്ക കന്യാസ്ത്രീ അറസ്റ്റിൽ

പ്രായപൂർത്തിയാകാത്ത സ്കൂൾ വിദ്യാർത്ഥിനി ആത്മഹത്യ ചെയ്ത സംഭവത്തിൽ പങ്കുണ്ടെന്ന് ആരോപിച്ച് ഒരു കത്തോലിക്കാ കന്യാസ്ത്രീയെ  കോടതി ജുഡീഷ്യൽ കസ്റ്റഡിയിൽ റിമാൻഡ് ചെയ്തു.

ഛത്തീസ്ഗഢ് സംസ്ഥാന പോലീസ് ഫെബ്രുവരി 7 ന് കർമ്മലീത്ത കന്യാസ്ത്രീ സിസ്റ്റർ മേഴ്‌സിയെ അറസ്റ്റ് ചെയ്യുകയും സംസ്ഥാനത്തെ സർഗുജ ജില്ലയിലെ ഒരു പ്രധാന ടൗൺഷിപ്പായ അംബികാപൂരിലെ പ്രാദേശിക കോടതിയിൽ ഹാജരാക്കുകയും ചെയ്തു.

സിസ്‌റ്റർ മേഴ്‌സിയെ  ആത്മഹത്യാ പ്രേരണക്കുറ്റം ആരോപിച്ചാണ് അറസ്റ്റു ചെയ്തത്.  10 വർഷം തടവോ ജീവപര്യന്തമോ ലഭിക്കാവുന്ന കുറ്റമാണിത്.

ഫെബ്രുവരി ആറിന് രാത്രി അംബികാപൂരിലെ കാർമൽ സ്‌കൂളിലെ ആറാം ക്ലാസ് വിദ്യാർത്ഥിനി ആത്മഹത്യ ചെയ്തതിനെ തുടർന്നാണ് അറസ്റ്റ്.  വീട്ടിലെ സീലിംഗ് ഫാനിൽ തൂങ്ങി ആത്മഹത്യ ചെയ്ത വിദ്യാർത്ഥിനി ആത്മഹത്യാ കുറിപ്പിൽ കന്യാസ്ത്രീ തന്നെ പീഡിപ്പിക്കുകയായിരുന്നുവെന്ന് ആരോപിച്ചു. കുറിപ്പ് പോലീസ് കണ്ടെടുത്തു.

“ആത്മഹത്യാ കുറിപ്പ് ഒറിജിനലാണോ എന്ന് ഇതുവരെ വ്യക്തമായിട്ടില്ല. എന്നാൽ കന്യാസ്ത്രീക്കെതിരായ ആരോപണങ്ങൾ തെറ്റാണ്,” അംബികാപൂർ രൂപതയിലെ വിദ്യാഭ്യാസ ഡയറക്ടർ ഫാദർ ലൂസിയൻ കുഴൂർ പറഞ്ഞു.

കന്യാസ്ത്രീ പെൺകുട്ടിയുടെ ഐഡൻ്റിറ്റി കാർഡ് എടുത്തിരുന്നു എന്നത് ശരിയാണ്, അവൾ ക്ലാസുകളിൽ നിന്ന് വിട്ടുനിൽക്കുന്നതിനാൽ അടുത്ത ദിവസം മാതാപിതാക്കളെ കൊണ്ടുവരാൻ അവളോട് ആവശ്യപ്പെട്ടുവെന്ന് വൈദികൻ പറഞ്ഞു.

“അവൾ മറ്റ് നാല് പെൺകുട്ടികൾക്കൊപ്പം ക്ലാസുകളിൽ പങ്കെടുക്കാതെ ടോയ്‌ലറ്റിൽ തുടർന്നു,” “കന്യാസ്ത്രീ അവരെ ശ്രദ്ധിച്ചപ്പോൾ അവർ അവരുടെ തിരിച്ചറിയൽ കാർഡുകൾ ശേഖരിച്ച് ഓഫീസിൽ ഏൽപ്പിച്ചു,” പുരോഹിതൻ പറഞ്ഞു.

പെൺകുട്ടിയെ പഠിപ്പിക്കുന്നതിൽ സിസ്റ്റർ മേഴ്‌സിക്ക് പങ്കില്ലെന്നും അവർക്കെതിരെ അത്തരം പരാതികളൊന്നും ഉണ്ടായിരുന്നില്ലെന്നും വൈദികൻ കൂട്ടിച്ചേർത്തു. സ്‌കൂളിൽ 8000-ത്തിലധികം വിദ്യാർത്ഥികൾ പഠിക്കുന്നു

കന്യാസ്ത്രീയെയും പ്രിൻസിപ്പലിനെയും അറസ്റ്റ് ചെയ്യണമെന്ന് ആവശ്യപ്പെട്ട് വലതുപക്ഷ പ്രവർത്തകർ സ്കൂളിന് മുന്നിൽ പ്രതിഷേധിച്ചു.

“സ്‌കൂൾ ഇപ്പോൾ അടച്ചിരിക്കുന്നു, പോലീസ് സേനയെ വിന്യസിച്ചിരിക്കുന്നു.  ഉടൻ തുറക്കാൻ സാധിക്കുമെന്ന് ഞങ്ങൾ പ്രതീക്ഷിക്കുന്നു,” ഫാദർ കുഴൂർ പറഞ്ഞു.