കർണാടകയിലെ ബിജാപൂരിൽ, ക്രിസ്തീയ വിശ്വാസം അനുസരിച്ചു ജീവിക്കുന്നതിനെതിരെ ദമ്പതികളെ മർദിച്ചതായി പരാതി

കർണാടകയിലെ ബിജാപൂരിൽ നിന്നുള്ള  ക്രിസ്ത്യൻ ദമ്പതികളെ തങ്ങളുടെ വിശ്വാസത്തിന്റെ പേരിൽ ഒരു സംഘം ആളുകൾ മർദ്ദിച്ചു. വിശ്വാസത്തിൽ തുടർന്നാൽ കൂടുതൽ അക്രമമുണ്ടാകുമെന്ന് മുന്നറിയിപ്പ് നൽകി. മർദ്ദനമേറ്റ  വിജയലക്ഷ്മിയും ഭർത്താവ് അശോക് ചവാനും പരാതി നൽകാൻ പ്രാദേശിക കോടതിയെ സമീപിച്ചതോടെയാണ് സംഭവം പുറത്തറിഞ്ഞത്. ഇന്ത്യൻ ശിക്ഷാ നിയമത്തിലെ (ഐപിസി) സെക്ഷൻ 143, 147, 509, 323, 504, 506, 149 എന്നിവ പ്രകാരം കോടതിയുടെ ഉത്തരവിന്റെ അടിസ്ഥാനത്തിൽ പോലീസ് പ്രഥമ വിവര റിപ്പോർട്ട് (എഫ്‌ഐആർ) രജിസ്റ്റർ ചെയ്തു.

ഭരണഘടനയനുസരിച്ച് ക്രിസ്തുമതം ആചരിക്കാൻ തനിക്ക് അവകാശമുണ്ടെന്ന് വിജയലക്ഷ്മി പരാതിയിൽ പറഞ്ഞു. വിജയലക്ഷ്മി പറയുന്നതനുസരിച്ച്, ഒരു കൂട്ടം പുരുഷന്മാരിൽ നിന്ന് താൻ  പീഡനം നേരിടുന്നു, അധിക്ഷേപകരമായ കമന്റുകൾ, തന്റെയും കുടുംബത്തിന്റെയും ജീവിതം "നശിപ്പിക്കുമെന്ന്" ഭീഷണിപ്പെടുത്തുന്നു, കൂടാതെ തന്റെ  ഭക്ഷ്യ സുരക്ഷാ കാർഡും ആധാർ കാർഡും നശിപ്പിക്കുമെന്നും  സർക്കാർ രേഖകൾ റദ്ദാക്കി, ജോലിയിൽ നിന്ന് പുറത്താക്കുമെന്ന് ആളുകൾ ഭീഷണിപ്പെടുത്തിയതായും പരാതിയിൽ.പറയുന്നു.

പരാതിയെത്തുടർന്ന് രവി ദാരപ്പ ലമാനി, സുരേഷ് ശിവപ്പ ലമാനി, രാജശേഖർ ലമാനി, പുനീത് ലമാനി, പരശു രത്നപ്പ ലമാനി, ധനസിങ് ലമാനി എന്നിവരെ പ്രതിയാക്കി പോലീസ്  എഫ്‌ഐആർ രജിസ്റ്റർ ചെയ്തത്.. "നിർബന്ധിത മതപരിവർത്തനം" എന്ന് പ്രാദേശികമായി ആരോപിക്കപ്പെട്ടതിന് തൊട്ടുപിന്നാലെയാണ് വിജയലക്ഷ്മിക്കും അവരുടെ ഭർത്താവിനും നേരെ ആക്രമണം നടന്നത്, പ്രാദേശികമായും കർണാടകയിലുടനീളമുള്ള സോഷ്യൽ മീഡിയ പ്ലാറ്റ്‌ഫോമുകളിൽ അവർക്കെതിരെ പ്രചാരണം നടത്തി.

 ഒരു അംഗീകൃത സോഷ്യൽ ഹെൽത്ത്  (ആശ) വർക്കറായ വിജയലക്ഷ്മി, വീടുവീടാന്തരം കയറിയിറങ്ങി അടിസ്ഥാന ആരോഗ്യ സംരക്ഷണത്തെക്കുറിച്ച് അവബോധം വളർത്തുന്നതിൽ ഏർപ്പെട്ടിരിക്കുന്ന സർക്കാർ അംഗീകൃത കമ്മ്യൂണിറ്റി തലത്തിലുള്ള ആരോഗ്യ പ്രവർത്തകയാണ്.

ലോകമെമ്പാടുമുള്ള ക്രിസ്ത്യൻ കമ്മ്യൂണിറ്റിക്ക് വേണ്ടി പ്രവർത്തിക്കുന്ന ക്രിസ്ത്യൻ സോളിഡാരിറ്റി വേൾഡ് വൈഡ് (CSW) എന്ന സംഘടനയുടെ  റിപ്പോർട്ട് പ്രകാരം ,  ഒരു ക്രിസ്ത്യൻ സ്ത്രീ അവരുടെ വീടുകളിൽ കയറുന്നതിനെ ചില ഗ്രാമീണർ എതിർക്കുകയും അവളുടെ കുടുംബത്തെ ഭീഷണിപ്പെടുത്തുകയും അവളെ ജോലിയിൽ നിന്ന് പുറത്താക്കാൻ ശ്രമിക്കുകയും ചെയ്തു.

നിർബന്ധിത മതപരിവർത്തന ആരോപണത്തെ തുടർന്ന് ഉപ്പളദിന്നി പ്രദേശത്തെ മറ്റ് ക്രിസ്ത്യാനികൾ ബസവന ബാഗേവാഡി മുനിസിപ്പൽ പോലീസ് സ്റ്റേഷനിൽ പരാതി നൽകി. ചവാനും ഭാര്യയും പോയ അതേ പള്ളിയിൽ പോയിരുന്ന ഉപ്പളദിന്നിയിലെ മറ്റ് മൂന്ന് ക്രിസ്ത്യൻ കുടുംബങ്ങളും ഈ മാസം പീഡനം നേരിട്ടിരുന്നു. ജനുവരി 3-ന്, ഈ കുടുംബങ്ങൾക്ക് വൈദ്യുതിയും ജലവിതരണവും വിച്ഛേദിക്കാൻ കമ്മ്യൂണിറ്റി മേധാവി പ്രാദേശിക യൂട്ടിലിറ്റി സേവന ദാതാക്കൾക്ക് നിർദ്ദേശം നൽകി. അവർ യേശുക്രിസ്തുവിനെ പിന്തുടരുന്നത് തുടർന്നാൽ കൊല്ലപ്പെടുമെന്ന് പരസ്യമായി മുന്നറിയിപ്പ് നൽകി.

വിശ്വാസങ്ങളുടെ പേരിൽ വേർതിരിക്കപ്പെടുകയും ഉപദ്രവിക്കുകയും ആക്രമിക്കപ്പെടുകയും ചെയ്ത ഉപ്പലദിന്നിയിലെ ക്രിസ്ത്യാനികൾ  ആശങ്കാകുലരാണ്.