ഐപിസി നോർത്ത് ഇന്ത്യ മിനിസ്റ്റേഴ്സ് കോൺഫറൻസും വാർഷിക കൺവൻഷനും നവം.4 മുതൽ

ഐപിസി നോർത്ത് ഇന്ത്യ മിനിസ്ട്രീസ് കോൺഫറൻസും കൺവെൻഷനും നവംബർ 4-മുതൽ 6 വരെ സൂം പ്ലാറ്റ് ഫോമിൽ വൈകിട്ട് 7 ന് നടക്കും. രോഗശാന്തിയും പുനസ്ഥാപനവും (Healing and Restoration) എന്നതാണ് തീം.

മഹാരാഷ്ട്ര സ്റ്റേറ്റ് പ്രസിഡന്റ്‌ പാസ്റ്റർ പി ജോയി ഉദ്ഘാടനം ചെയ്യുന്ന സമ്മേളനത്തിൽ ഐ പി സി ജനറൽ പ്രസിഡന്റ്‌ പാസ്റ്റർ ഡോ. റ്റി. വത്സൻ എബ്രഹാം, ഡോ. തോംസൺ കെ മാത്യു (യു എസ് എ) എന്നിവർ മുഖ്യ പ്രസംഗകർ ആയിരിക്കും. ഐ പി സി ജനറൽ എക്സിക്യൂട്ടീവ്സും വിവിധ സ്റ്റേറ്റ് /റീജിയൻ പ്രസിഡന്റുമാരും സീനിയർ മിനിസ്റ്റേഴ്‌സും വിവിധ ശുശ്രൂഷകൾ നിർവഹിക്കും.

പാസ്റ്റർ കെ. കോശി (പഞ്ചാബ് ) കോൺഫറൻസിന്റെ ജനറൽ കോർഡിനേറ്ററായി പ്രവർത്തിക്കുന്നു. മഹാരാഷ്ട്ര, മധ്യപ്രദേശ്, ഡൽഹി എന്നീ സംസ്ഥാനങ്ങളിൽ നിന്നുള്ള കർത്തൃ ദാസന്മാർ സംഗീത ശുശ്രൂഷക്ക് നേതൃത്വം നൽകും. ജമ്മു & കശ്മീർ, പഞ്ചാബ്, ഹിമാചൽ പ്രദേശ്, ഡൽഹി, ഗുജറാത്ത്‌, മധ്യപ്രദേശ്, മഹാരാഷ്ട്ര, രാജസ്ഥാൻ, ഉത്തർപ്രദേശ്, ജാർഖണ്ഡ്, ബീഹാർ, ഒഡിഷ, വെസ്റ്റ് ബംഗാൾ, എന്നിവിടങ്ങളിലെ സംസ്ഥാന അധ്യക്ഷന്മാരും ഭാരവാഹികളും പങ്കെടുക്കുന്ന ഈ സമ്മേളനം ഉത്തര ഭാരതത്തിന്റെ ആത്മീയ ഉണർവ്വിന് കാരണമാകും.