ശാരോൻ ഫെല്ലോഷിപ്പ് ചര്‍ച്ച് ജനറൽ കൺവെൻഷൻ, 2022 നവംബർ 30 മുതൽ ഡിസംബർ 4 വരെ
Sharon Fellowship Church General Convention from 30th November to 4th December 2022
ശാരോൻ ഫെല്ലോഷിപ്പ് ചര്‍ച്ച് ജനറൽ കൺവെൻഷൻ, 2022 നവംബർ 30 മുതൽ ഡിസംബർ 4 വരെ തിരുവല്ലയിലുള്ള ശാരോൻ ഗ്രൗണ്ടിൽ വെച്ച് നടത്തപ്പെടും . "സമയം അടുത്തിരിക്കുന്നു" വെളിപ്പാട് 1 :3 എന്നതാണ് കൺവെൻഷന്റെ തീം .
നാഷണൽ പ്രസിഡന്റ്‌ പാസ്റ്റർ എബ്രഹാം ജോസഫ്, ,വൈസ് പ്രസിഡന്റ്‌മാരായ പാസ്റ്റർ ജോൺസൺ കെ. ശമുവേൽ, പാസ്റ്റർ ജേക്കബ് ജോർജ് കെ., ജനറൽ സെക്രട്ടറിമാരായ പാസ്റ്റർ ഫിന്നി ജേക്കബ്,പാസ്റ്റർ വി ജെ തോമസ്, ട്രഷറർ ബ്രദർ എബ്രഹാം വർഗീസ് തുടങ്ങിയവർ നേതൃത്വം നല്കും. .ദിവസവും വൈകീട്ട് 6 മുതൽ ആരംഭിക്കുന്ന പൊതുയോഗങ്ങളിൽ ശാരോൻ ക്വയർ ഗാനങ്ങളാലപിക്കും .
30ന് ഉച്ചയ്ക്ക് 2ന് രജിസ്ട്രേഷൻ ആരംഭിക്കും. ദിവസവും രാവിലെ പ്രഭാത പ്രാർത്ഥന, ബൈബിൾ സ്റ്റഡി, പാസ്റ്റേഴ്സ് കോൺഫറൻസ്, മിഷൻ കോൺഫറൻസ്, മിഷൻ ചലഞ്ച് എന്നിവയും വൈകിട്ട് പൊതുയോഗങ്ങളും നടക്കും. ശനിയാഴ്ച പകൽ 9 മണി മുതൽ സി ഇ എം, സൺഡേ സ്കൂൾ സമ്മേളനം കൺവൻഷൻ ഗ്രൗണ്ടിലും , വനിതാ സമാജം സമ്മേളനം ഓഡിറ്റോറിയത്തിലും നടക്കും. ഡിസംബർ 4 ഞായറാഴ്ച രാവിലെ സ്നാനം, സംയുക്ത ആരാധന, കർത്തൃമേശ എന്നിവയോടെ കൺവൻഷൻ സമാപിക്കും. കൺവൻഷൻ്റെ അനുഗ്രഹകരമായ നടത്തിപ്പിനായി വിവിധ സബ് കമ്മറ്റികൾ പ്രവർത്തിച്ചുവരുന്നു.
