ഛത്തീസ്ഗഡിലെ ഒരു പ്രാർത്ഥനാ സമ്മേളനത്തിൽ നിന്ന് രണ്ട് പാസ്റ്റർമാരെ വാക്കുകളാൽ പീഡിപ്പിക്കുകയും, പ്രാർത്ഥനാ യോഗം തടസ്സപ്പെടുത്തുകയും ബൈബിളുകൾ കത്തിക്കുകയും ക്രിസ്ത്യാനികൾ അവരുടെ പ്രദേശത്തെ ആരാധനകളിൽ പങ്കെടുക്കുന്നത് നിർത്താൻ ആവശ്യപ്പെടുകയും ചെയ്തുകൊണ്ട്   ഒരു കൂട്ടം തീവ്രവാദികൾ  അക്രമിക്കുകയും ചെയ്തു.

നവംബർ 2 ന്, ഇന്ത്യയിലെ ഛത്തീസ്ഗഡ് സംസ്ഥാനത്ത് തീവ്ര ഹിന്ദു ദേശീയവാദികളുടെ ഒരു ജനക്കൂട്ടം രണ്ട് പാസ്റ്റർമാരെ ക്രൂരമായി മർദ്ദിച്ചു. പ്രാദേശിക റിപ്പോർട്ടുകൾ പ്രകാരം,  ഒരു പ്രാർത്ഥനായോഗം തടസ്സപ്പെടുത്തി, രണ്ട് പാസ്റ്റർമാരെ മർദിച്ചു, ബൈബിളുകൾ കത്തിച്ചു, ഗ്രാമത്തിൽ ആരാധനകൾ നടത്തുന്നത് നിർത്താൻ ക്രിസ്ത്യാനികളോട് ആവശ്യപ്പെട്ടു.

പുലർച്ചെ നാല് മണിയോടെയാണ് ആക്രമണം ആരംഭിച്ചതെന്ന് പ്രാദേശിക വൃത്തങ്ങൾ റിപ്പോർട്ട് ചെയ്യുന്നു. ധംതേരി ജില്ലയിലെ ബിലേർ ഗ്രാമത്തിൽ നടന്ന പ്രാർത്ഥനാ യോഗം രജനികാന്ത് ദേവഘന്റെയും നീലാംബരി സാഹുവിന്റെയും നേതൃത്വത്തിലുള്ള ജനക്കൂട്ടം തടസ്സപ്പെടുത്തിയപ്പോൾ. പ്രാർത്ഥനാ യോഗം നടക്കുന്ന വീട്ടിൽ നിന്ന് പാസ്റ്റർ സശരത് മാണിക്പുരിയേയും പാസ്റ്റർ കേസർ മണിക്പുരിയേയും ജനക്കൂട്ടം വലിച്ചിഴച്ച് അസഭ്യം പറയുകയും മർദ്ദിക്കുകയും ചെയ്തു.

ജനക്കൂട്ടം പാസ്റ്റർമാരിൽ നിന്നും സഭയിൽ നിന്നും ബൈബിളുകളും മറ്റ് ക്രിസ്ത്യൻ ഗ്രന്ഥങ്ങളും പിടിച്ചെടുത്തു, പ്രാർത്ഥനാ യോഗം നടക്കുന്ന കെട്ടിടത്തിന് പുറത്തുള്ള തെരുവിൽ കത്തിച്ചു. തീവ്രവാദികൾ ക്രിസ്ത്യാനികളോട് ഹിന്ദുമതത്തിലേക്ക് മടങ്ങാൻ പറയുകയും ആരാധനകൾ തുടർന്നാൽ അവരെ കൊല്ലുമെന്ന് ഭീഷണിപ്പെടുത്തുകയും ചെയ്തു. ഒരു ദേശീയവാദി ക്രിസ്ത്യാനികളോട് ബൈബിളോ ക്രിസ്ത്യൻ വിശ്വാസവുമായി ബന്ധപ്പെട്ട മറ്റേതെങ്കിലും പുസ്തകമോ വായിക്കാൻ അനുവദിക്കുകയില്ലെന്നു പറഞ്ഞു.

ഇന്ത്യയിൽ ക്രിസ്ത്യാനികൾക്കും അവരുടെ ആരാധനാലയങ്ങൾക്കും നേരെയുള്ള ആക്രമണങ്ങൾ എണ്ണത്തിലും തീവ്രതയിലും വർധിച്ചുകൊണ്ടിരിക്കുകയാണ്. ഛത്തീസ്ഗഢിൽ, ക്രിസ്ത്യാനികൾക്കെതിരായ വിദ്വേഷ പ്രസംഗങ്ങൾ സാധാരണമായ തീവ്ര ഹിന്ദു ദേശീയവാദികൾ നടത്തിയ പൊതു റാലികളുടെ പരമ്പരയാണ് പീഡനങ്ങളുടെ സമീപകാല വർധനവിന് കാരണം. ഒരു പ്രസംഗത്തിൽ, ഛത്തീസ്ഗഡിലെ ക്രിസ്ത്യൻ സുവിശേഷകരുടെ തലവെട്ടാൻ പോലും ഒരു ദേശീയ നേതാവ് ആഹ്വാനം ചെയ്തു.

Read in English

Pastor and congregation warned of dire consequences if they kept their religion