20 ദിവസത്തെ ജയിൽവാസത്തിന് ശേഷം കത്തോലിക്കാ വൈദികന് ജാമ്യം
The court concluded that 'nothing was found on record' to punish the priest for unlawfully running a children's home | നിയമവിരുദ്ധമായി കുട്ടികളുടെ സംരക്ഷണത്തിനുള്ള ചിൽഡ്രൻസ് ഹോം നടത്തിയതിന് വൈദികനെ ശിക്ഷിക്കാൻ 'രേഖയിൽ ഒന്നും കണ്ടെത്തിയിട്ടില്ല' എന്നാണ് കോടതി നിഗമനം.
ബാലാവകാശ ലംഘനം ആരോപിച്ച് തടവിലാക്കപ്പെട്ട കത്തോലിക്കാ പുരോഹിതൻ അറസ്റ്റിലായി 20 ദിവസത്തിന് ശേഷം ജാമ്യത്തിൽ പുറത്തിറങ്ങി. മദ്ധ്യപ്രദേശ് സംസ്ഥാനത്ത് പ്രവർത്തിക്കുന്ന കാർമലൈറ്റ് ഓഫ് മേരി ഇമ്മാക്കുലേറ്റ് (സിഎംഐ) സഭാംഗമായ ഫാദർ അനിൽ മാത്യുവിനെ ജനുവരി 28-ന് ജാമ്യത്തിൽ വിട്ടയച്ചു. ജനുവരി 7-നാണ് ഫാദർ അനിൽ മാത്യുവിനെ അറസ്റ് ചെയ്തത്.
ലോക്കൽ കോടതി ജാമ്യം അനുവദിച്ചതിനെ തുടർന്നാണ് മാത്യുവിനെ ജയിൽ മോചിതനാക്കിയതെന്നും ഫാദർ മാത്യു മാധ്യമങ്ങളോട് സംസാരിക്കാൻ തയ്യാറ ല്ലെന്നും ജനുവരി 29-ന് ലോക്കൽ സുപ്പീരിയർ ഫാദർ സിറിൽ കുട്ടിയാനിക്കൽ മാധ്യമങ്ങളോട് പറഞ്ഞു.
ഭോപ്പാലിലെ അഞ്ചൽ ഗേൾസ് ഹോസ്റ്റൽ ഡയറക്ടർ ഫാദർ മാത്യുവിനെ ജുവനൈൽ ജസ്റ്റിസ് നിയമത്തിലെ വ്യവസ്ഥകൾ ലംഘിച്ച്, നിയമവിരുദ്ധമായി ശിശുഭവനം നടത്തി, മതപരിവർത്തന ശ്രമങ്ങളിൽ ഏർപ്പെട്ടു എന്നെല്ലാം ആരോപിച്ചാണ് അറസ്റ്റ് ചെയ്തത് . ജുവനൈൽ ജസ്റ്റിസ് ആക്‌ട് പ്രകാരം "ഒരു കേസും എടുത്തിട്ടില്ല" എന്ന് ഫാദർ മാത്യുവിൻ്റെ അഭിഭാഷകൻ കോടതിയെ അറിയിച്ചു, കാരണം അദ്ദേഹം നിർദ്ദേശിക്കുന്ന ഹോസ്റ്റൽ നിയമപ്രകാരം നിർവചിച്ചിരിക്കുന്നത് "ജുവനൈൽ ഹോം അല്ല", ഫാദർ സിറിൽ കുറ്റിയാനിക്കൽ പ്രസ്താവനയിൽ പറഞ്ഞു.
ചിൽഡ്രൻസ് ഹോമല്ല, പെൺകുട്ടികളുടെ ഹോസ്റ്റലാണ് ഫാദർ മാത്യു നടത്തുന്നത്, അവിടെ താമസിക്കുന്ന പെൺകുട്ടികൾക്ക് “അവരുടെ ജീവശാസ്ത്രപരമായ മാതാപിതാക്കൾ ജീവിച്ചിരിപ്പുണ്ട്.” “എല്ലാ പെൺകുട്ടികളെയും അവരുടെ മാതാപിതാക്കളുടെ രേഖാമൂലമുള്ള അഭ്യർത്ഥന പ്രകാരമാൻ പെൺകുട്ടികളുടെ ഹോസ്റ്റലിൽ പ്രവേശിപ്പിച്ചത് ,” പ്രസ്താവനയിൽ പറയുന്നു.
നിയമാനുസൃതം സ്കൂൾ വിദ്യാഭ്യാസ വകുപ്പിൽ ഹോസ്റ്റൽ രജിസ്റ്റർ ചെയ്തിട്ടുണ്ടെന്നും അഭിഭാഷകൻ കോടതിയെ അറിയിച്ചു. മതപരിവർത്തനം സംബന്ധിച്ച മൂന്നാം കക്ഷി പരാതികൾ സ്വീകരിക്കരുതെന്ന് നിയമം ആവശ്യപ്പെടുന്നതിനാൽ മതപരിവർത്തന ശ്രമ കേസ് തൻ്റെ കക്ഷിക്കെതിരെ നിലനിൽക്കില്ലെന്നും ഫാദർ മാത്യുവിൻ്റെ അഭിഭാഷകൻ കോടതിയെ അറിയിച്ചു.
Register free christianworldmatrimony.com
